Confounding Marathon

ကျွန်မ ပြီးခဲ့တဲ့ အပတ်တုန်းက Yoma Yangon International Marathon မှာ 21 km အတွက် ဝင်ပြိုင်ဖြစ်ပါတယ်။ ပန်းဝင်ဖို့ စုစုပေါင်း ၃ နာရီ ၁၀ မိနစ်ကြာတယ်။ မိန်းကလေးအုပ်စုမှာတော့ နံပါတ် ၁၁၈ ချိတ်တယ်။ မဆိုးဘူးလို့ ပြောလို့ရတာပေါ့။


အပြေးပြိုင်ပွဲဝင်ပြီးတော့မှ ဖတ်ဖူးခဲ့တဲ့ မာရသွန်နဲ့ ပတ်သတ်တဲ့ ဒေတာ အတွက်အချက် အလွဲလေးတစ်ခု အကြောင်းကို ပြန်သတိရသွားပါတယ်။ အဲဒီမာရသွန်က နိုင်ငံတကာ အပြေးသမားများအကြားမှာ နာမည်အရမ်းကြီးတဲ့ Boston Marathon က အကြောင်းလေးဖြစ်ပါတယ်။ ကျွန်မက အရင်က Boston မှာလဲ နေဖူးတော့ သူငယ်ချင်းတွေ Boston Marathon ဝင်ပြိုင်ရင် သွားအားပေးနေကျပေါ့။


တစ်ခါတုန်းက သုတေသီတစ်ယောက်က Boston Marathon က အပြေးသမားတွေရဲ့ အချိန်တွေကို ကြည့်ပြီး ယောက်ျားနဲ့မိန်းမ ပြေးတဲ့အချိန် ပျမ်းမျှချေ ဘယ်လောက်ကွာခြားလဲဆိုတာ သိချင်တယ်။ ကျွန်မတို့ ပုံမှန်ဆိုလို့ရှိရင် ယောက်ျားနဲ့ မိန်းမ ခွန်အားကွာတဲ့အတွက် ယောက်ျားပြေးတာကတော့ ပိုမြန်တယ်ဆိုတာ သိနေတာပဲ။ ဒါပေမယ့် ဒီ Dataset ကနေကျတော့ မိန်းမတွေက ပြေးတာ ပိုမြန်နေတယ်ဆိုပြီး ထွက်လာတယ်။


ဒီတော့ အဲဒီ သုတေသီလည်း ပျာသွားတာပေါ့။ ဘာများမှားနေလဲ၊ ဘာညာ လိုက်ရှာတာပေါ့။


ဖြစ်ချင်တော့ သူ လေ့လာနေတဲ့အချိန်တုန်းက မာရသွန်ဆိုတာ ယောက်ျားတွေပဲ ဝင်ပြိုင်တာများတယ်။ အအိုတွေရော အပျိုတွေရောပေါ့။ ဒါပေမယ့် မိန်းမတွေမှာ ငယ်ငယ်ရွယ်ရွယ် မိန်းမလေးတွေပဲ ဝင်ပြိုင်တာများတယ်။ ကျန်းမာနုပျိုနေတဲ့ မိန်းကလေးတွေ ပြေးတာက အိုမင်းရွတ်တျနေတဲ့ အဖိုးကြီးတွေထက် အဆပေါင်းများစွာ မြန်နေတော့ ကျားမအလိုက် ပျမ်းမျှချေရှာလိုက်ရင် မိန်းကလေးတွေက ပိုမြန်နေသလိုဖြစ်သွားပါတယ်။


အင်္ဂလိပ်စာမှာ ကိုယ့်ရဲ့စိတ်တွေ အတွေးတွေကို ရှုပ်သွားစေတာကို Confound ဖြစ်တယ်လို့ ပြောပါတယ်။ ဒီတော့ Confounder ဆိုတာ ကိုယ့်ရဲ့အတွေးတွေကို ရှုပ်သွားစေတဲ့အရာပေါ့။ ဒီ Confounder က Statistics မှာ အရမ်းအရေးကြီးပါတယ်။ Confounder ရှိနေရင် ကိုယ့်ရဲ့တွက်ချက်မှုက ပြောင်းပြန်ဖြစ်သွားနိုင်ပါတယ်။


မာရသွန်ဥပမာမှာက ကိုယ်တကယ်လေ့လာချင်တာ ကျားမလိင်အလိုက် ပြေးနှုန်းဖြစ်ပေမယ့် အသက်ကွာခြားချက်က ကိုယ့်ရဲ့တွက်ချက်မှုကို ဝင်ရှုပ်သွားပါစေတယ်။ ဒီတော့ ပြေးတဲ့ကျားမအလိုက် အသက်ကွာခြားချက်က Confounder ဖြစ်သွားပါတယ်။ Confounder ပြဿနာမရှိချင်ရင် အသက်အရွယ်အတူတူမှာ ကျားမ ပြေးတာ ဘယ်လိုကွာသလဲ လေ့လာရမှာ ဖြစ်ပါတယ်။


ကျွန်မပြိုင်တဲ့ ရိုးမမာရသွန်မှာကတော့ ယောက်ျားသပ်သပ် မိန်းမသပ်သပ် စာရင်းလုပ်လိုက်တော့ တော်ပါသေးရဲ့။ နို့မို့ဆိုရင် ကျွန်မရဲ့ ပန်းဝင်တဲ့ နံပါတ်က ၄၀၀ ကျော်သွားမယ်။

Missing yet not missing

Missing Data ဆိုတာ Statistics မှာ အလွန်အရေးကြီးပါတယ်။ အချို့ဒေတာတွေက မရှိတာတွေ၊ မရနိုင်တာတွေကြောင့် ကိုယ်ကောက်ချက်ချလိုက်တဲ့ အဖြေတွေက လွဲချော်သွားနိုင်ပါတယ်။ ဒီတော့ Missing Data တွေ မရှိအောင် ဘယ်လိုလုပ်မလဲ၊ ရှိရင်လည်း ဘယ်လိုပြန်ဖြည့်တွက်ရမလဲ ဆိုတာတွေက Statistics မှာ အရေးကြီးတဲ့ Topic တွေ ဖြစ်ပါတယ်။ ဒါပေမယ့် Missing Data ဆိုတာက တစ်ခါတစ်လေကျတော့ ဒေတာက တစ်ကယ်ကို ပျောက်နေတာ ဖြစ်ပြီး တစ်ခါတစ်လေကျတော့ တမင် ဖျောက်ထားတာ ဖြစ်နေနိုင်ပါတယ်။ ဒီတော့ ကြည့်တဲ့သူတွေက ဒေတာ ပျောက်နေတာလား ၊ဖျောက်ထားတာလားဆိုတာ ခွဲခြားသိဖို့လိုပါတယ်။

တကယ်ပျောက်နေတဲ့ Missing Data ကို ကျွန်မတို့ Missing-at-Random Data လို့ခေါ်ပါတယ်။ သူကတော့ တစ်ကယ်ကို ရိုးရိုးသားသားပျောက်နေတဲ့ ဒေတာမျိုးပေါ့။ ဥပမာ - စာမေးပွဲမေးခွန်းမှာ မေ့ပြီး အဖြေ မဖြေလာတာမျိုးပေါ့။ ဒီလိုမျိုး Missing Data ဆိုရင် ပြန်ဖြည့်ပြီး တွက်လို့ရပါတယ်။ အဲ..... တမင်ဖျောက်ထားတဲ့ Missing Data ဆိုရင်တော့ ကိုယ်က ပြန်ဖြည့်ပြီးတွက်လိုက်မှ ကိုယ့်ရဲ့ ကောက်ချက်တွေက တပ်တပ်စင်အောင်လွဲသွားနိုင်ပါတယ်။ ဒီလို Missing Data မျိုးကို Missing-not-at-Random Data လို့ခေါ်ပါတယ်။

ဒါနဲ့ ပတ်သက်ပြီး Facebook မှာ သူငယ်ချင်းတွေကို Unfriend လုပ်တတ်တာကို NPR က လေ့လာထားတဲ့ အကြောင်းကို Simply Statistics Blog က Statistics ရှုထောင့်ကနေ ဥပမာလေးပေးထားပါတယ်။ 

Facebook မှာက လူတွေတော်တော်များများက ကိုယ့်သူငယ်ချင်းတွေတင်တဲ့ ပို့စ်တွေကြည့်ရင်း စိတ်ဓါတ်ကျတတ်ကြပါတယ်။ ကိုယ့်သူငယ်ချင်းရဲ့ ပို့စ်တွေမှာက အရမ်းကို ပျော်စရာကောင်းနေတာတွေ၊ စိတ်လှုပ်ရှားစရာကောင်းနေတာတွေများနေတော့ ကိုယ့်ရဲ့ ဘဝကြီးကပဲ ဟာတာတာကြီးလိုဖြစ်နေပြီး ကိုယ့်သူငယ်ချင်းနဲ့ ယှဉ်ရင် ကိုယ်က ဘဝမှာ လူညံ့ကြီးဖြစ်နေတယ်လို့ တွေးပြီး စိတ်ဓါတ်ကျလာတတ်ပါတယ်။

ဒါပေမယ့် တစ်ကယ်ဖြစ်နေတာ ကိုယ်ပါ အပါအဝင် Facebook မှာ ကြွားစရာရှိတာတွေ အဓိကထားပြီး တင်လေ့ရှိကြပါတယ်။ ကိုယ်က ရှုံးနိမ့်နေတာတွေဆိုရင် ဘယ်တင်မလဲ။ ဒီတော့ ကိုယ့်ရဲ့ သူငယ်ချင်းပို့စ်တွေကို ကြည့်လိုက်မယ်ဆိုရင် အကောင်းကြီးဖြစ်နေတော့ သူတို့ရဲ့ အဆိုးတွေ မှန်သမျှက Missing Data ဖြစ်သွားတာပေါ့။ ဒါပေမယ့် အဲဒီ Missing Data က တမင်ဖျောက်ထားတဲ့ Missing-not-at-Random Data လေ။ သူတို့ရဲ့ ပို့စ်တွေကြည့်ပြီး ကိုယ်က ဓါတ်ပျက်နေရင် အလကားပဲ။ ကိုယ်သိထားဖို့က ကိုယ့်ရဲ့ပို့စ်တွေကို ကြည့်ပြီး ကိုယ့်ရဲ့ သူငယ်ချင်းကလည်း စိတ်ဓါတ်ကျနေကောင်း ကျနေပါလိမ့်မယ်။


မူရင်းစာမူများကို ဖတ်ချင်ရင်တော့ အောက်မှာ သွားဖတ်လို့ ရပါတယ်။

http://www.npr.org/2014/01/09/261108836/many-younger-facebook-users-unfriend-the-network
http://simplystatistics.org/2014/01/17/missing-not-at-random-data-makes-some-facebook-users-feel-sad/

Let's have a t Party

အုပ်စု ၂ ခုရှိပြီး အဲဒီ အုပ်စု ၂ ခုရဲ့ ကွာခြားချက်ကို နှိုင်းယှဉ်ချင်ရင် t Test ကို သုံးလို့ရပါတယ်။ အရေးကြီးတာကတော့ အုပ်စုက ၂ ခုပဲရှိရမယ်။ ပြီးတော့ ကိုယ်နှိုင်းယှဉ်ချင်တဲ့ ကွာခြားချက်က ရေတွက်လို့ရတဲ့ ကိန်းဂဏန်းတစ်ခု ဖြစ်ရမယ်။ အဲဒါအပြင့် အဲဒီကွာခြားချက်က ဒီအုပ်စုမှာ ပါဝင်တဲ့သူတွေ အားလုံးဆီကနေ တိုင်းတာထားတဲ့ တန်ဖိုးတစ်ခုဖြစ်ရမယ်။ t Test ရဲ့သဘောတရားကတော့ ဒီအုပ်စု ၂ ခုရဲ့ ပျမ်းမျှချေတန်ဖိုးတွေက ဒီအုပ်စုတွေရဲ့ အရွယ်အစားနဲ့ ယှဉ်ရင် အရမ်းကွာခြားနေသလားကို စမ်းစစ်ခြင်းဖြစ်ပါတယ်။ t Test သုံးဖို့ အုပ်စု ၂ ခုစလုံးရဲ့ အရွယ်အစားတွေ တူနေစရာမလိုပါဘူး။


တန်းခွဲ (က) နဲ့ တန်းခွဲ (ခ) ၂ တန်းမှာ ဘယ်အတန်းက ကျောင်းသားတွေ စာပိုတော်သလဲဆိုတာ သိချင်တယ် ဆိုပါတော့။ အဲဒါကို သိနိုင်တဲ့ နည်းတွေ အများကြီးတော့ ရှိတာပေါ့။ ဥပမာ - ဒီတန်းခွဲ ၂ ခုဆီကနေ ထူးချွန်ဆုတွေ ဘယ်နှစ်ခုရလဲဆိုတာ တိုင်းတာနိုင်တယ်။ ဒါပေမယ့် ထူးချွန်ဆုများတိုင်းလည်း အဲဒီအတန်းက တစ်တန်းလုံးအနေနဲ့ စာပိုတော်နေတာမဟုတ်ဘူး။ ထူးချွန်ဆုများသလို ကျတဲ့သူတွေလည်း များနေနိုင်တာပဲ။


စောစောက မေးခွန်းကို t Test သုံးပြီး ဖြေချင်တယ်ဆိုလို့ရှိရင်တော့ တန်းခွဲ (က) နဲ့ တန်းခွဲ (ခ) မှာရှိတဲ့ ကျောင်းသားတွေရဲ့ အမှတ်တွေကို သုံးပြီး တန်းခွဲတစ်ခုချင်းဆီရဲ့ ပျမ်းမျှရမှတ်တွေကို နှိုင်းယှဉ်နိုင်ပါတယ်။ အဲလိုယှဉ်ဖို့အတွက် တန်းခွဲ (က) နဲ့ တန်းခွဲ (ခ) က ကျောင်းသားအရေအတွက် တူစရာမလိုပါဘူး။ တူရင်တော့ ကောင်းတာပေါ့။

t Test ကနေ t Test value တစ်ခုရယ် ထုံးစံအတိုင်း p value တစ်ခု ထွက်လာပါလိမ့်မယ်။ အဲဒါတွေကို ကြည့်ပြီး ကိုယ်နှိုင်းယှဉ်နေတဲ့ အုပ်စု ၂ ခု တူမတူကို စမ်းစစ်လို့ရပါတယ်။


Excel မှာတော့ t Test လုပ်ချင်ရင် Data Analysis Toolpak သုံးလို့ရပါတယ်။ Data Analysis Toolpak အကြောင်းကို အရင်က ပြောပြီးပါပြီ။ Data Analysis Toolpak ကနေ ကိုယ်စစ်ချင်တဲ့ t Test အမျိုးအစားကို ရွေးလို့လဲ ရပါတယ်။